“Роснефть”-ийн төлөөлөл Монголд ирнэ

 

ОХУ-ын \”Роснефть” компанийн Экспорт хариуцсан захирал энэ сарын 29-нд Монголд ирэх гэнэ. Тэднийг Монголд ШТС оруулж ирэх гэж байна гэсэн мэдээлэл ч сэм харагдах болсон. Гэвч эх сурвалжийн мэдээлснээр тэднийг \”Петровис” компанийн талаас урьсан бөгөөд нийлүүлэлтийн үнээ буулгаач гэсэн хүсэлт тавихаар урьсан байх магадлалтай байна. Товчхондоо, манай тал тэдэнд 100 ШТС оруулах тухай биш 100 ам.долларын алдагдалтай нийлүүлэхийг санал болгох нь

 Хэдийгээр Засгийн газраас онцгой албан татварыг цуцалсан ч дэлхийн зах зээл дээр нефть бүтээгдэхүүний үнэ өссөн хэвээр байгаа, үүнийг дагаж \”Роснефть”-ээс авдаг \”АИ-92” шатахууны үнэ л гэхэд тонн тутамдаа 30-45 ам.доллараар нэмэгдэх төлөвтэй байгаа юм. Гэвч энэ удаа Монголын талаас \”Роснефть”-ийн төлөөллийг урьж уулзахдаа үнээ нэмэх биш харин ч тонн тутамдаа 50 ам.доллараар хямдруулж нийлүүлээч гэж гуйх нь. Одоогоор тонн тутам нь 568 ам.доллар байгааг 518 ам.доллар болгож хямдруулж тонн тутмаас олох ашгаа 100 ам.доллараа багасгаач гэсэн утгатай л хэлэлцээ болох юм даг уу даа.

\”Роснефть”-ийн төлөөлөл энэ үеэр салбарын сайд болон холбогдох албаны хүмүүстэй ч уулзах биз. Харин энэ үеэр нь эрхэм улстөрчид маань \”Манайх танайхаас хараат биш болох гээд үйлдвэр барих гээд байна” гэдэг үлгэрээ ярьж гэдэнг нь хөдөлгөчихгүй л бол тэд манай талын саналыг хүлээж авах магадлалтай. Тэгээд ч гаднынхан Монгол Улс Энэтхэгийн Засгийн газрын тусламжаар нефть боловсруулах үйлдвэр байгуулах гэж байгаа талаар аль хэдийнэ уншиж сонссон л байж таарна.  

Ямартай ч манай Засгийн газар нэгэнт дэлхийн зах зээлийн ханшийг удирдаж чадахгүй тул \”Роснефть”-ийн төлөөлөлтэй хэл амаа ололцож хөлд нь сууж гэрээгээ өөрчилнө гэдэгт итгэж байна. Ингэж чадвал онцгой албан татварыг цуцалсан шийдвэрт нь дэм болж нэг хэсэгтээ л шатахууны үнийн огцом өсөлтөд санаа зовинохгүй байж болох юм. Хэрэглэгчид ч үүнийг л хүлээж байгаа, тэгээд ч нөөц дуусч байгаа нь үнэнч нийлүүлэлт айсуй гэсэн сайн мэдээг энэ дашрамд дуулгая.

Т.Хуяг

Эх сурвалж: zaluu.com