\”Эрдэнэт үйлдвэр\”-ийг битүүмжилсэн гэх асуудлын эргэн тойронд

Учир явдлыг эргэн саная: \”Жаст” группийн Ш.Батхүү 2014
онд Өмнөд Африкийн \”Стандарт” банкаас 109 сая ам.доллар зээлэхдээ Эрдэнэт үйлдвэрээр баталгаа гаргуулсан байдаг. Зээлийн
барьцаанд тавьсныг батламжлан тухайн үеийн
ТӨХ-ны дарга, одоогийн Үндсэн хуулийн Цэцийн гишүүн Д.Сугар, \”Эрдэнэт үйлдвэр”-ийн ерөнхий захирал асан Ч.Ганзориг нар \”Зээлийн гэрээ\”-г үзэглэсэн байдаг.

 

Гэвч \”Жаст” групп авсан өрөө төлөх чадваргүй
болж батлан даагчаар тодорсон \”Эрдэнэт” үйлдвэр тэр өрийг нь төлөх шаардлагатай болжээ. Тиймээс
\”Стандарт” банк \”Эрдэнэт үйлдвэр”
ХХК-ийг Олон Улсын Арбитрын шүүхэд өгсөн аж.

Ингээд гурван удаагийн шүүх хуралдаанд Өмнөд Африкийн \”Стандарт” банк
ялсан гэнэ. Өнөөдөр хэвлэл мэдээллээр цацагдаад буй мэдээлэл нь 2017 оны тавдугаар
сард Арбитрын шүүхээс гарсан шийдвэр / http://www.bailii.org/ew/cases/EWHC/Comm/2017/1090.html/аж. Энэ шийдвэрт мөн л \”Стандарт” банк ялалт байгуулсан талаар
дурджээ. Улмаар Лондоны Арбитр 2017 оны арваннэгдүгээр сарын 17-ны өдөр хуралдаж, шийдвэрээ \”Эрдэнэт\” үйлдвэр ХХК-ид ирүүлсэн гэсэн мэдээлэл байна.

Зарим хэвлэл мэдээллээр олон улсын
арбитрын шүүхээс Засгийн газрыг буруутгасан шийдвэр гаргаж, улмаар Эрдэнэт
үйлдвэрийг битүүмжилж, хоногт 75 сая
төгрөгтэй тэнцэх хүү буюу 35 мянган ам.доллар төлөх болсон хэмээн мэдээлээд байгаа юм.

ТЭГВЭЛ ЭРДЭНЭТ ҮЙЛДВЭРИЙН ЭРГЭН ТОЙРОНД ӨРНӨӨД БУЙ ЭНЭ ЭРГЭЛЗЭЭТЭЙ АСУУДЛЫН ТАЛААР ӨНӨӨДӨР ХЭН ЮУ ХЭЛЭВ?

Монгол зэс корпорацийн ТУЗ-ийн дарга
М.Мөнхбаатар: 49 хувийг эзэмшигч 51 хувийг
эзэмшигчийн өмнөөс байр сууриа илэрхийлэх нь зохимжгүй.

Сангийн сайд Ч.Хүрэлбаатар: Эрдэнэт үйлдвэр Стандарт банктай арбитрийн шүүх дээр маргаантай байгаа.
Засгийн газын хувьд Эрдэнэттэй холбоотой асуудлаар арбитр дээр элдэв хэлцэлд
ороогүй. Нарийн мэдээлэл алга.

Энэ шийдвэр \”Эрдэнэт” үйлдвэрт хэрхэн нөлөөлөх
талаар Эрдэнэт үйлдвэрийн Төлөөлөн удирдах зөвлөлийн дарга У.Бямбасүрэн: Үйлдвэрийн үйл ажиллагаанд аливаа нэг сөрөг үр дагавар дагуулахгүй”
гэдэг тайлбар хийлээ.

Хууль, зүй, дотоод хэргийн сайд Ц.Нямдорж: Олон улсын арбитраас Эрдэнэтийг битүүмжлэх шийдвэр гаргасан гэдэг худлаа. Байдал амаргүй байгаа юм билээ. Давж заалдах ажиллагаа нь хийгдсэн юм билээ. Тэгээд олигтой юм болоогүй. Нийт дүнгээрээ 51
сая ам.долларын үндсэн зээл. Үлдсэн нь алданги, торгууль, хүү гэсэн юм
бий. \”Эрдэнэт” үйлдвэр \”Стандарт” банкныхантай ярих бололцоотой. Нууц юм
байхгүй. Ардчилсан намынхан л улстөржүүлээд яриад байгаа асуудал.

Уул уурхай, хүнд үйлдвэрийн сайд Д.Сумъяабазар: Энэ асуудалд Засгийн газар тодорхой хэмжээгээр оролцох байх. Гэхдээ тухайн банктай ярилцаад 51 сая ам.долларын төлбөрийн асуудлыг дээш, доош нь уян хатан болгох нөхцлийн талаар ярилцах байх.

Олон нийтийн мэдээллийн хэрэгслээр: \”Эрдэнэт” үйлдвэр хоёр
үйлдлээр Олон улсын арбитрт ялагдсан тухай шийдвэрийг хэдхэн хоногийн өмнө
Монгол Улсын Засгийн газар хүлээж авчээ. Энэ тухай УИХ бүтнээрээ байтугай,
МАН-ын хоёр бүлгийн аль нь дэлгэрэнгүй мэдээлэлгүй байгаа нь Засгийн газрыг
мэдээллээ нууцалж байна гэж хардах үндэстэй юм.

1/\”Жаст\” компанийн захирал Ш.Батхүү нь 2010-2012 онд
\”Эрдэнэт\”-ийн 51 хувийг барьцаалан, үйлдвэрийн тамга тэмдэг, захирал,
ТУЗ-ийн даргын гарын үсгийг \”ашиглан\” Английн \”Стандарт\”
банкнаас авсан нийт 109 сая долларын зээлийн маргаан юм. Энэ маргаанаар Лондоны
Арбитрын шүүх хуралдаан дөрвөн удаа болж, эхнийхээс бусдад нь
\”Стандарт\” банк ялж, \”Эрдэнэт\” үйлдвэр ялагдал хүлээсэн
байна. Хэрвээ \”Эрдэнэт\” үйлдвэр арбитрын шийдвэрийг биелүүлэхгүй,
хойшоо хоног сунах тусам өдөр бүр 30 мянган доллар буюу 75 сая төгрөгийн хүү
нэмэгдэнэ гэсэн үг. Засгийн газар арбитрын шийдвэрийг хүлээн авсан нэгдүгээр
сарын 10-наас хойш өнөөдөр буюу хоёрдугаар сарын 1-нийг хүртэлх 21 хоногт /21
хоног x 30.000$ = 630.000$/ нийтдээ 630 мянган доллар буюу зөвхөн хүүд 1.5
тэрбум орчим төгрөг төлөх болоод байна. Энэ нь 99 сая долларын үндсэн төлбөр
бүхий арбитрын шийдвэрээс хойш 630 мянган долларын хүү төлөх болоод байна.

2/ Олон улсын Арбитраас ирүүлсэн хоёр
дахь шийдвэр мөн л ноцтой. \”Эрдэнэт\” үйлдвэр нь арбитрын шүүхийн
шийдвэрийг биелүүлэхгүй байснаас болсон уу, \”Стандарт\” банк мөн л
арбитрт гомдол гаргажээ. Тэд энэ удаа мөнгө, төгрөг нэхэмжилсэнгүй. Харин
\”Эрдэнэт\” үйлдвэр ХХК-ийн хөрөнгийг хураах, битүүмжлэх хүсэлтийг оны
өмнө гаргажээ. Лондоны Арбитр 2017 оны арваннэгдүгээр сарын 17-ны өдөр
хуралдаж, \”Стандарт\” банкны уг хүсэлтийг мөн хангасан тухай шийдвэрээ
\”Эрдэнэт\” үйлдвэр ХХК-нд ирүүлсэн аж.

Ийнхүү
Засгийн газарт ирсэн гэх шийдвэрийг Засгийн газар нь мэдэж байгаа эсэх нь
тодорхойгүй байна гэсэн үл ойлгогдом мэдээлэл нийгэмд цацагдлаа. Ганц саалийн үнээ болсон
Эрдэнэт үйлдвэрийн эргэн тойронд эргэлдээд байгаа энэ бүрхэг асуудлын талаар
хэн нэг нь тодорхой хариуг олон нийтэд яаралтай өгөх хэрэгтэй байна. Нэгэнтээ Эрдэнэт үйлдвэрийг 100 хувь улсын мэдэлд авах шийдвэр гарсан учраас ард түмэн үнэн бодит мэдээллийг авах бүрэн
эрхтэй. Энэ эргэлзээг даамжруулахын цаана хэний эрх ашиг хөндөгдөх вэ? гэсэн асуулт ч энд буй болоод байна. 

Я.Хулан