“Тогтвортой хөгжил-Хууль сахиулахуйн боловсрол” сургалт зөвлөгөөнийг зохион байгууллаа

Хууль сахиулахын их сургуулиас
\”Тогтвортой хөгжил-Хууль сахиулахуйн боловсрол” сургалт зөвлөгөөнийг зохион байгууллаа.
Сургалт, зөвлөгөөнд ХЗДХЯ, БСШУСЯ, ШУТИС-ийн удирдлагууд болон ХСИС-ийн
эрдэмтэн, судлаач, багш нар оролцлоо.Энэхүү сургалт, зөвлөгөөн нь
БСШУСЯ-ны санаачлагаар Монгол Улсын Ерөнхий сайдын ивээл дор зохион
байгуулагдсан \”Тогтвортой хөгжил-дээд боловсрол” улсын II дугаар
зөвлөгөөнөөсгарсан санал, хүсэлт, зөвлөмжийг хэрэгжүүлэх, дээд боловсролын
салбарын хөгжлийн өнөөгийн байдлыг оношлон дүгнэж, боловсролын чанар,
үнэлэмжийг дээшлүүлэхэд тулгамдаж байгаа олон асуудлын талаар солилцсон
туршлага, сургамжийг хэлэлцэх зорилготой юм. Цаашид энэ талаар өөрийн
сургуулийн сургалтын хөтөлбөрийн шинэчлэл, багшийн болон оюутны хөгжил,
судалгаа, эрдэм шинжилгээ, инновацийг хөгжүүлэх чиглэлээр баримталж буй
бодлого, өнөөгийн чиг хандлагыг Юнескогийн болон Монгол Улсын 2030 он хүртэл
тогтвортой хөгжлийн үзэл баримтлал, Төрөөс боловсролын талаар баримтлах бодлогын
баримт бичгүүдийг уялдуулна.Зөвлөгөөнд оролцогсод \”Дээд
боловсрол-Засаглал, эрх зүй, санхүүжилт”, \”Дээд боловсрол-Сургалтын
хөтөлбөр-чанарын баталгаажуулалт”, \”Дээд боловсрол-Багшийн хөгжил”, \”Хууль
сахиулахын их сургуулийн эрдэм шинжилгээ, сургалтын ажлын бодлого, чиглэл”
сэдвийн хүрээнд илтгэл хэлэлцүүллээ.

Энэ үеэр Хууль сахиулахын их
сургуулийн захирал, цагдаагийн хурандаа Ө.Энхтөр \”Манай их сургууль ойрын 10
жилд сургалт, эрдэм шинжилгээ, судалгааны ажилд чанарыг эрхэмлэн шинэчлэл хийх,
их сургуулийн үнэт зүйл болох багш, судлаачдыг хөгжүүлэх, сургалт явуулах арга
зүй, чадавхийг сайжруулах, суралцагчдын эзэмших цогц чадамжийн түвшинг
дээшлүүлэх, гадаад хамтын ажиллагааг өргөжүүлэх, бүс нутагтаа хүлээн
зөвшөөрөгдсөн Судалгааны их сургууль болох зорилтыг дэвшүүлсэн. Мөн хууль сахиулах салбарын шинжлэх ухаан,
боловсролын хөгжилд тэргүүлэх байр суурьтай, олон улсад хүлээн зөвшөөрөгдсөн,
үндэсний болон бүс нутгийн аюулгүй байдлыг хангах үйл хэрэгт хувь нэмэр
оруулагч мэдлэг оюуны төв байх алсын хараа хэтийн зорилгоо тодорхойлон ажиллаж
байна” гэв.

Дээд боловсролын шинэчлэлийн явцад
эрх зүйн орчин шинээр бүрдэж буй хэдий ч төрийн бодлогын нэгдсэн тогтолцоот
байдал, дунд, дээд боловсролын залгамж, агуулгын уялдаа холбоо хангалтгүй,
салбарын бодлого нь тууштай хэрэгжээгүйгээс мэдлэгийн хүрээ тэлэх, технологийн
хөгжлийг хөтлөх үүрэгтэй их сургуулийн систем бүрдээгүйг зөвлөгөөнд оролцогчид
дурдав. Түүнчлэн боловсролын чанар, үнэлэмж, өрсөлдөх чадвар доогуур, системийн
түвшний хямралаас шинэ арга барил, шинэ хандлага, нэгдсэн ойлголтоор гарах
шийдэл, гарцыг хэлэлцсэн нь энэ удаагийн зөвлөгөөний онцлог байлаа.