Спортын төв ордны хурлын танхимд өнөөдөр “Дэлхийн 7 тивийн ноён оргилд гарсан анхны монгол хүн, Монгол Улсын гавьяат тамирчин, ОУХМ Б.Гангаамаа” сэдэвт блок марк гаргасны нээлтийн ёслол боллоо.
Монгол маркийн түүхэнд уулын спортын “Монгол уулчид Гималайд” сэдэвтэй шуудангийн маркийг Монголын уулчдын холбооны 50 жилийг тохиолдуулан 2001 оны дөрөвдүгээр сарын 1-ний өдөр гүйлгээнд гаргасан бөгөөд энэ удаа 17 жилийн дараа уг маркийг гаргаж байна.
Энэхүү марканд Антарктидын Винсон массив /4897м/, Европ тивийн Эльбрус, /5642м/, Африк тивийн Килиманжаро /5895м/Хойд Америкийн Денали /6194 м/, Өмнөд Америкийн Аконкагуа /6962 м/, Австрали ба Далайн Карстенз пирамид /4884 м/, Австралийн Косиюско /2228 м/, Ази тивийн Эверест /8848 м/, ноён оргилууд болон мөнх цаст Эверестийг давахаар нисч буй хос хун, түүний наана Төрийн далбаагаа өргөн зогсох Б.Гангаамааг дүрсэлсэн байна.
Маркийн зураачаар Ч.Бат-Эрдэнэ, дизайнераар Ж.Ганхуяг ажиллаж, БТСГ-аас мэргэжлийн зөвлөгөө өгч хамтран бүтээжээ. “Дэлхийн 7 тивийн ноён оргилд гарсан анхны монгол хүн, Монгол Улсын гавьяат тамирчин, ОУХМ Б.Гангаамаа” сэдэвт марк нь нэг блок бөгөөд гүйлгээнд гарсан анхны өдөр 2018 оны гуравдугаар 19, хэвлэгдсэн тоо 15 мянган ширхэг юм. Харин анхны өдрийн дугтуй нь 600 ширхэг, анхны үнэ 6000 төгрөг, маркийн хэмжээ 58х35 мм, хэлхээний хэмжээ 120х88 мм бөгөөд офсет хэвлэлийн 4 өнгөөр хэвлэжээ.
Дэлхийн 7 тивийн 8 оргилд Монголынхоо Төрийн далбааг мандуулсан гавъяат тамирчин, ОУХМ Б.Гангаамаа энэ амжилтаараа Монголын анхны “Seven Summiteer” болсон юм. Түүний энэ амжилтанд 2016 оны байдлаар дэлхийн 61 орны 416 уулчин хүрсэн бөгөөд тэдний дотор дэлхийн 18 эмэгтэй уулчин байгаа билээ.
| № | ГАДААДЫН УУЛСЫН НЭР | ТИВ/УЛС | ОН | АВИРАЛТЫН ХЭЛБЭР | ГАРСАН ӨНДӨР |
| 1 | Эверест /8848 m/ | Ази, Түвд | 2006
2011 |
Шерпатай | 6800 m
8848 m |
| 2 | Аконкагуа /6962 m/ | Өмнөд Америк, Аргентин | 2013
2016 |
Авиралтын хөтөчөөр | 6600 m
6962 m |
| 3 | Денали /6194 m/ | Хойд Америк, Америк | 2012
2014 2015 |
Хөтөчтэй
Соло Авиралтын хөтөчөөр |
6100 m
5400 m /2 удаа/ 6194 m |
| 4 | Килиманжаро /5895 m/ | Африк, Танзани | 2012 | Авиралтын хөтөчөөр | 5895 m |
| 5 | Эльбрус /5642 m/ | Европ, Орос | 2004
2009 2010 2013 |
Соло
Авиралтын хөтөчөөр Авиралтын хөтөчөөр Соло |
5200 m
5000 m 5642 m 5642 m |
| 6 | Карстенз Пирамид /4884m/ | Далай, Индонез | 2016 | Хөтөчтэй | 4884 m |
| 7 | Косиюско /2228 m/ | Австрали | 2016 | Монголчуудтай | 2228 m |
| 8 | Винсон Массиф /4897 m/ | Антрактид | 2016 | Хөтөчтэй | 4897 m |
| 9 | Бусад /4000 m, 6000m
болон 7000 m/ |
Түвд
Оросын Холбооны Улс |
2002,2005
2006, 2009 |
Бэлтгэл, өндөр авалт | |
| 10 | K2 /8611 m/ | Пакистан, Каракорум | 2013 | Өндрийн ачаа үүрэгчтэй | 6200 m |
| 11 | Броуд Пик /8047 m/ | Пакистан, Каракорум | 2013 | Өндрийн ачаа үүрэгчтэй | 6200 m |
| 12 | Белуха /4509 m/ | ОХУ, Алтай | 2002
2016 |
Авиралтын хөтөчөөр | 3600 m
4509 m |
Монголын уулс
| № | НЭР | ОРОЛДЛОГО ХИЙСЭН ТОО | АВИРАЛТЫН ХӨТӨЧӨӨР | АВИРСАН ЖИЛ | ҮЙЛЧЛҮҮЛЭГЧИД | ХАМТРАН АЖИЛЛАДАГ КОМПАНИ |
| 1 | Монголын хамгийн өндөр оргил
Хүйтэн |
53 удаа оролдлого хийж
43 удаа оргилд гарсан |
2002 оноос хойш |
1989 оноос
хойш |
Олон улсын 50-с дээш
орны уулчид |
Монголиа Экспедишнс ХХК,
Алтай Экспедишнс ХХК |
| 2 | Өвлийн авиралт | 1 удаагийн оролдлого | ||||
| 3 | Бусад уулс | 19 уулд 44 удаа оргилд нь гарсан үүний 2 нь хүн авираагүй шинэ оргил |
