АНУ-ын хуурай замын цэргийн дөрөвний гурав нь: нийт байгаа 31-ээс 26 бригадыг газар доор байлдааны ажиллагаа явуулахад сургана. Шинэ программыг хэрэгжүүлэхэд 572 сая доллар зарцуулахаар төлөвлөж байна.
Командлалаас дараагийн дайн том хотуудад явагдах болно, иймээс цэргүүд хотын газар доогуурах харилцаа холбоо, сүлжээнд баримжаалах чадвартай байх ёстой. Тэдэнд бүрэн харанхуй бөгөөд агааргүй орчинд мөн гудамж шиг өргөн хонгилын эргэлт бүхэнд болзошгүй дайсны галаас хамгаалж, байлдахын тулд шинэ төхөөрөмж болон туршлага шаардлагатай гэж Military.com-оос иш татан RG бичжээ.
Хот дотор байлдаан явуулах тактикийн гарын авлага боловсруулагдаж хэвлэгдсэн байна. Солонгосын хойгт нөхцөл байдал хурцадмал байх үед, ялангуяа “газар доорх сэдэв” цаг үеэ олсон бөгөөд БНАСАУ зөвхөн цөмийн зэвсэг гэлтгүй хонгилын салаалсан системтэй, тэдгээр нь Өмнөд Солонгосруу хөтөлсөн хуягт техниктэй бүхэл бүтэн дивизийг нууцаар шилжүүлэх чадвартай байсан.
Нэргүй эх сурвалжийн мэдээлснээр “газар доорх дайн” хөтөлбөрийг хотын катакомд 26 явган цэргийн бригадын ажиллагааг удирдаж сургах зорилоготой юм. Нэгдүгээр сард, Виржиниа мужийн Форт Хилл хотод явагдсан цэргийн үзүүлэх хээрийн сургууль дээр шинэ тактикийн онцлогийг харуулсан юм.
АНУ-ын цэргийн зургаан баазад, хотын газар доорхи сүлжээг дуурайлган үзүүлсэн тренажерууд байдаг бөгөөд тэднээс зөвхөн нэг Калифорни мужийн Чина-Лейк дэхь Цэргийн төв Хонгилд томоохон салбаруудыг сургахад хүрэлцээтэй том. Бусад нь макетуудаар төлөөлүүлсэн, арваад харанхуй контейнруудтай. Гэхдээ ердөө саявтархан Хавайд үлгэр жишээ “Тэнцвэргүй дайны сургалтын төв” –ийн загварыг ашиглалтанд оруулсан юм. Газар доор байлдааны ажиллагаа явуулахад салбаруудыг зөөврийн MPU-5 радио станцаар хангахаар төлөвлөж байгаа. Эдгээр аппаратууд нь газар дээрх болон газар доорхи харилцагчдынхаа сүлжээг нэгтгэн хөрвүүлэн дамжуулж ажиллах чадвартай юм. Нэг ийм төхөөрөмж 10 мянган долларын үнэтэй. Амьсгалын аппарат нэг ширхэг нь 13 мянган доллар. “Хонгилын дайн”-д сум нэвтэрдэггүй хамгаалалт хамгийн багадаа отрядад хоёр байхаар мөн шөнө харах нүдний шил байх юм байна.
Ц.Пүрэвдорж
