Боловсрол шинжлэх ухааны сайд Л.Энх-Амгалан хувьсгах зардал болон сургалтын төлбөрийн талаар мэдээлэл хийлээ.
Тэрээр “Цар тахлын хуульд манай салбартай холбоотой гурван заалт бий.
1. Өмчийн хэлбэр үл харгалзаж боловсролын байгууллагын үйл ажиллагааг тодорхойгүй хугацаагаар теле цахим хэлбэрт шилжүүлэх, сургалтын болон дотуур байрны төлбөрийг хөнгөлөх, дараагийн төлбөрт шилжүүлэх журам батлахыг Засгийн газарт үүрэг болгосон.
2. Сургалтын чанар хүртээмж буюу хоцрогдлын асуудлаар Засгийн газар хяналт тавьж ажиллах
3. Хичээлийг цахимаар явуулсан тохиолдолд сургалтын чанарыг алдагдуулахгүй байхыг Засгийн газарт чиглэл болгосон учраас Засгийн газар түр журам гаргасан ажилласан.
Журмын дагуу сайдын тушаалаар хоёр ажлын хэсэг гарч ажилласан.
1. Их дээд сургуулийн төлбөрийн асуудлаар
2. Хувийн буюу төлбөртэй ерөнхий боловсролын сургуулиудад хоёр ажлын гарч ажилласан.
Их дээд сургуулийн төлбөрийн асуудлаар ажлын хэсэг ажиллаад төлбөрийн уян хатан нөхцөлөөр сар бүр төлбөрөө авч байх. Хичээл сонголт баталгаажуулахад урьдчилсан төлбөр шаардахгүй, цуцлахгүй байх. Анги дэвших болон төгсөлтийн шалгалт, диплом хамгаалалтад нь оруулах, дадлага хийх боломжийг олгох. Дотуур байрны төлбөрийг буцааж олгох, дараагийн төлбөрт нь шилжүүлэх гэсэн чиглэлээр журмын хэрэгжилтээ хангаж ажилласан. 88 их их дээд сургуульд 147293 оюутан суралцаж байна. Үүнээс 121 мянган оюутан манай ажлын хэсгийнхний судалгаанд хамрагдсан. 20863 сурагч хөнгөлөлт, тэтгэлэгт хамрагдсан байна. Үүнээс 11 мянган оюутан Засгийн газрын тэтгэлэг, боловсролын сангийн зээл авсан. Хувийн сургуулиуд 9700 оюутанд 50-100 хувийн сургалтын хөнгөлөлт үзүүлсэн байна.
Ерөнхий боловсролын сургуулийн хувьд өндөр төлбөртэй сургуулиудад хувьсах зардал өгөхгүй гэдгээ мэдэгдсэн. Энэ ажил хэрэг болсон. Өнөөдөр Монгол Улсад 167 хувийн хэвшлийн дунд сургуульд 48300 хүүхэд сурч байна. Сургалтын төлбөр өндөртэй буюу 5-10 саяас дээш төлбөр авдаг 24 сургууль байна. Энэ сургуулиудад хувьсах зардлыг нь өгөөгүй. Таваас доош саяын төлбөртэй сургуулиудын хувьсах зардлыг олгосон. Ингэхдээ гурван нөхцөл тохирсон.
1. Теле, цахим хичээлийн ирцийн бүртгэлийг хянана
2. Сургалтын үйл ажиллагааг тасралтгүй зохион байгуулсан тайланг авах
3. ЕБС-ийн хувьд сургалтын төлбөрт хөнгөлөлт үзүүлсэн байсныг үндэслэж хувьсах зардлыг олгосон.
Ковид гараагүй үеийн сургалтын төлбөрөөс таван хувийн хөнгөлөлт үзүүлэх тохиролцоонд хүрсэн. ЕБС-иуд 5 буюу түүнээс дээш хувийн хөнгөлөлт үзүүлсэн. Төрөөс сургуулиудын цахилгаан, хог, дулааны төлбөрийн хөнгөлөлтийг долдугаар сарын 1-н хүртэл үзүүлсэн. Мөн НДШ-ийн хөнгөлөлт үзүүлсэн.
Дөрөвдүгээр сарын 1-нд хичээлийн жил эхэлнэ. Арванхоёрдугаар ангийн хүүхдүүдийг танхимаар хичээллүүлнэ. Их дээд сургуулиудын төгсөх ангийг мөн танхимаар хичээллүүлнэ” гэлээ.
