Цар тахал, Орос-Украины мөргөлдөөн, эрс тэс уур амьсгал зэрэг хүчин зүйлийн нөлөөгөөр сүүлийн үе дэлхийн хүнсний аюулгүй байдал асар их сорилттой тулгарч байна. Ялангуяа олон жилийн дайн дажин болон Америкийн хууль бус хориг арга хэмжээнд өртсөн Сири улс маш хүнд хүнсний хямрал ороод байна.
Дэлхийн хүнсний хөтөлбөрийн мэдээллийн дагуу, 11 жилийн үймээн самууны дараа Сирид өнөө 12.4 сая орчим хүн хүнсний хомстолд орсон нь нийт хүн амынх нь 60 хувийг эзэлж байгаа. Энэ тоо 2021 оныхоос 4.5 саяар нэмэгдэж, түүхэн дээд хэмжээнд хүрчээ.
Дэлхийн хүнсний хөтөлбөр, НҮБ-ын Хүнс, хөдөө аж ахуйн байгууллага саяхан тайлан нийтэлж, 2022 оны 3-р сар гэхэд Сирийн хүнсний бүтээгдэхүүний үнэ 2013 онд бүртгэл хийж эхэлснээс хойших хамгийн дээд түвшинд хүрсэн байна. Цаашид хүнсний хомстол, хүнсний үнэ өсөх эрсдэл зэрэг орших нь хүмүүсийн сэтгэлийг түгшээж байна гэв.
Сири ийм хүнд нөхцөл байдалд ороод байгаа нь Америктай шууд холбоотой. Америк Сирид ойр ойрхон агаараас цохилт өгч, олон тооны эгэл иргэн амиа алдаж, гэмтэж шархдан, гэр оронгүй болсон бөгөөд Сирийн олон газрын дэд бүтцийг сүйрүүлж, хөдөө аж ахуйн үйлдвэрлэлд нь ноцтой хохирол учруулсан байна. Мөн Америк Сирийн эсрэг тавьсан хориг арга хэмжээнийхээ цар хүрээг үндэсний эдийн засаг, ард иргэдийн амьжиргааны бүх салбарт тэлж өргөжүүлсэн байна. Үүний улмаас урт хугацааны хориг арга хэмжээ нь Сирийн сэргээн босголтын үйл явцыг удаашруулж, хүнсний хямралыг тодорхойгүй хугацаагаар үргэлжилсээр байна.
Түүнчлэн Америк өнөөг хүртэл Сирийн зүүн хойд хэсгийн их хэмжээний газар нутгийг эзэлсээр байгаа бөгөөд Сирийн хүнсний нөөцийг хулгайлан, дээрэмдсэн нь орон нутгийн хүнсний хямралыг улам хурцдуулсан байна.
