“Нүүрсний хэрэгт холбогдсон албан тушаалтнууд прокурортой ял тохиролцож, хэргээ хялбаршуулах журмаар шийдвэрлүүлэхээр шүүхэд ханджээ” гэсэн мэдээ нь ташаа мэдээлэл болохыг УЕПГ-ын Олон нийттэй харилцах албанаас мэдэгджээ.
ХЯЛБАРШУУЛСАН ЖУРАМ ГЭЖ ЮУ ВЭ?
мөн зүйлийн 2 дахь хэсэгт “…Яллагдагч энэ зүйлийн 1 дэх хэсэгт заасан хүсэлтийг шүүхэд хэргийг шилжүүлэхээс өмнө гаргана…” гэж тус тус заасан.
Хуулийн заалтаас харахад гэм буруугаа хүлээн зөвшөөрсөн этгээд хялбаршуулсан журмаар буюу хөнгөрүүлсэн зүйл, заалтаар хэргээ шийдүүлэх боломжтой болжээ. Гэхдээ хорих ялын доод хэмжээ найман жилээс дээш хэргүүдийг хялбаршуулсан журмаар шийдэхгүй.
Харин хорих ялын доод хэмжээ найман жилээс доош, хохирлоо нөхөн төлсөн, гэмт хэрэг үйлдсэн нь нотлох баримтаар нотлогдсон ч гэм буруугаа сайн дураараа хүлээн зөвшөөрсөн зэрэг нөхцөл байдал хангагдаж байвал хялбаршуулсан журмаар хянан шийдвэрлэх ажиллагааг явуулж байгааг прокурорын байгууллагаас мэдээлсэн.
- Мөнгө угаах гэмт хэрэг үйлдсэн бол зургаан сараас нэг жил хүртэл хугацаагаар хорих ялаар
- Хөрөнгө завших гэмт хэрэг үйлдсэн бол зургаан сараас гурван жил хүртэл хугацаагаар хорих ялаар
- Хахууль авсан болон өгсөн бол зургаан сараас найман жил хүртэл хугацаагаар хорих ялаар
- Үндэслэлгүйгээр хөрөнгөжсөн бол нэг жилээс таван жил хүртэл хугацаагаар хорих ялаар тус тус шийтгэх хуультай.
Тэгвэл авлига, албан тушаалын хэргийг хялбаршуулсан журмаар хянан шийдвэрлэх нь зөв үү? Энэ талаар албаны хүмүүсийн байр суурийг сонсоход “Эрүүгийн хэрэг хянан шийдвэрлэх ажиллагааг хялбаршуулсан журмаар явуулж болно гэдэг хуулийн зохицуулалт нь байсаар байхад та авилгын гэмт хэрэг үйлдсэн, та албан тушаалтан гэж ялгавартай хандах боломжгүй. Хүн бүр хууль шүүхийн өмнө эрх тэгш байх Үндсэн хуульд заасан зарчим байгаа” хэмээж байсан.
