Б.Мэргэн:Б.Мөнхжаргалын гэрт үзлэг нэгжлэг хийгээгүй гэдгээ АТГ-аас мэдэгдсэн

Стандарт банк болон Жаст компанийн хооронд үүссэн зээлийн маргааны хүрээнд Английн Арбитрын шүүхээс 2016 оны есдүгээр сард гаргасан шийдвэртэй холбогдуулан өр, төлбөрийн хүрээнд АТГ-аас хавтаст хэрэг үүсгэн шалгаж байгаа билээ. Жаст компанийн зүгээс гарын үсгийг нь хуурамчаар үйлдэж зээл авсан гэж мэдүүлж байгаа бөгөөд энэ асуудлын хүрээнд шалгагдаж байгаа “Эрдэнэт” үйлдвэрийн Хуулийн хэлтсийн даргаар ажиллаж байсан Б.Мөнхжаргалын өмгөөлөгчид болох Б.Мэргэн, н.Баярхүү нар өнөөдөр мэдээлэл хийлээ. Энэ үеэр өмгөөлөгч Б.Мэргэнээс зарим зүйлийг тодрууллаа.
-Өнгөрсөн долоон хоногт АТГ-аас Б.Мөнхжаргалын гэрт нэгжлэг хийсэн гэдэг мэдээлэл гаргасан. Энэ үнэн үү?
-Б.Мөнхжаргалын гэрт АТГ-ын мөрдөгчид нэгжлэг хийж сэйфнээс нь хэргийг шийдвэрлэхэд чухал ач холбогдолтой 28 хуудас гэрээг оллоо. Б.Мөнхжаргал гэртээ нотлох баримтуудыг нууж, гэмт хэргийг нуун дарагдуулж байсан байна” гэх мэдээллүүд гарсан. Бид эл мэдээлэлтэй холбогдуулан АТГ-аас албан ёсны тайлбар мэдээлэл авсан. Ямар нэгэн байдлаар үзлэг нэгжлэг хийгээгүй гэдгээ АТГ-аас мэдэгдсэн. Бид нэгдүгээрт үйлчлүүлэгчийнхээ эрх ашгийг хамгаалах, гэм буруугүйг нотлох зорилготой. Хоёрдугаарт Эрдэнэт үйлдвэрийн хэрэг өөрөө залилангийн шинжтэй хэрэг байсан байна. Цаашлаад Стандарт банкинд төлөх өрийг Засгийн газраас төлж барагдуулах ёсгүй, барагдуулахгүй байж болох хуулийн гарцууд байна гэдэг байдлаар асуудалд хандаж байгаа. Тухайлбал, энэ хэргийг тал бүрээс нь бүрэн бодитоор тогтооход ач холбогдолтой эдгээр гадны шүүхийн шийдвэр, нотлох баримтуудыг хавтаст хэрэгт нотлох баримтаар оруулахаар АТГ-т өнгөрсөн долоо хоногт хандсан.
-Саяхан болсон шүүх хурлаар Б.Мөнжаргал Ш.Батхүү нарын мэдүүлэг зөрсөн учраас Арабитрын шүүх дээр яллагдсан гээд байгаа. Б.Мөнхжаргал Арбитрын шүүх дээр ямар мэдүүлэг өгсөн бэ?
-Стандарт банкнаас Жаст группын зүгээс баяжмал худалдан авахдаа эрхээ шилжүүлэх гэрээ хийгээд өгөөч гэсэн гэрээн дээр Б.Мөнхжаргал “ бидэн ямар нэгэн санхүүгийн баталгаа гаргахгүй” гэсэн байдаг. Үүнийг өөр заалт оруулсан юм шиг аваад байгаа юм.
-Эрдэнэт үйлдвэрийг Арбитрын шүүх дээр хэд хэдэн удаа дууссан боловч ирээгүй гэдэг асуудлыг та яриад байгаа. Харин н.Бадамсүрэн дарга дээр тийм мэдээлэл ирээгүй гэж байгаа?
-Хэд хэдэн удаа дууссан гэдэг асуудал Арбитрын шүүхийн шийдвэр дээр бүх зүйл заалтын хамт тодорхой байгаа. Үүнийг интернетээс ороод харж болно. Бид энэ шийдвэрийг АТГ орчуулаад өгсөн байгаа.
-Гарын үсгийг хуурамч гэдэг асуудал нотолж чадахгүй гээд байна. Харин Ш.Батхүү гарын үсгийг хуурамчаар үйлдсэн гэдгээ мэдэгдээд байгаа. Энэ тал дээр мэдээлэл өгөхгүй юу?
-Монголын шүүх шинжилгээний хүрээлэн хоёр шинжээч 12 төрлийн баримт бичгийн 170 гаруй гарын үсэг, тамга тэмдэг хуурамч байна гэдгийг тогтоосон. Харин манайхан өөрсдийнхөө хийсэн зүйл итгэгддэггүй. Иймээс Английн 30 гаруй жил гарын чиглэлээр шинжилгээ хийсэн лабораторийн шинжээчид гарын үсэг хуурамч байна гэдгийг тогтоож, арбитрын шүүх дээр нотолсон байгаа. Арбитрын шүүх үүнийг нотлох баримтад хавсаргасан. Гэхдээ Эрдэнэт үйлдвэр хуралдаа оролцохгүй, баримтаа гаргаж өгөхгүй байгаа учраас өөртөө байгаа баримтын хэмжээнд шийдвэрлэхээс өөр аргагүй юм байна гээд шийдчихсэн байгаа.
-Тэгэхээр зориудаар яллагдсан байх магадалттай юу?
-Бид үүнийг мэдэхгүй байна. Одоо шалгалтын ажиллагаа явагдаж байна. Арбитрын шүүхийн шийдвэрийг хархад зориуд яллагдсан байх магадлалтай.
-Б.Мөнхжаргал “Эрдэнэт” үйлдвэрийн хуулийн хэлтсийн даргаар ажиллаж байсан. Тухайн үед нотлох баримтыг гаргаж өгч болоогүй юм уу?
-Тухайн үед Мөнхжаргал хуулийн хэлтсийн даргаар ажиллаж байсан. Харин хэрэг шалгаад эхлэх үед хуулийн хэлтсийн даргаар өөр хүн ажиллаж байсан. Иймээс ажлаа гарчихсан хүн нотлох баримт гаргаж өгөх боломж байхгүй. 2013 оноос одоо хүртэл ажиллаж байсан хүмүүс гаргаж өгөх ёстой.
-Ч.Мөнхжаргалын ямар үндэслэлээр саатуулагдаж байгаа вэ?
– Би ил байгаа асуудлын талаар мэдээлэл өгч байна. Эрдэнэт үйлдвэрийн хуулийн хэлтсийн даргаар ажиллаж байсан Б.Мөнхжаргалыг цаашид тусгаарлан саатуулах шаардлагагүй гэж үзэж байна. Одоогоор хэрэг шалгагдаж байгаа учраас дэлгэрэнгүй мэдээлэл өгөх боломжгүй байна.