Өнөөдөр Монгол улсын ЗГХЭГ-ын дарга бөгөөд Монгол улсын сайд Л.Оюун-Эрдэнэ Засгийн газраас Монгол Улсын Ерөнхий прокурор, Хууль цаазын тэргүүнд хоёр үндэслэлээр албан бичиг явуулж байгаагаа мэдэгдлээ. Тэрээр:
“ЗГХЭГ-аас Монгол Улсын Ерөнхий прокурорт хандан хоёр албан бичиг явуулж байна.
Төрийн эрх ашигт ямар нэгэн хохирол учирсан үед хохирлыг нь нөхөн төлүүлэх асуудал дээр хойноос нь хэн явах эсэх нь тун маргаантай явж ирсэн.
Өнөөдөр Монгол Улсын Ерөнхий прокурорт хандаж байгаа шалтгаан нь Прокурорын тухай хуулийн хорьдугаар зүйлд “Прокурор төрийн эрх ашиг зөрчигдсөн гэж үзвэл төрийн байгууллагын хүсэлтээр захиргааны болон иргэний хэрэг хянан шийдвэрлэх ажиллагаанд зохигчоор эсвэл гомдогч этгээдээр оролцоно” гэсэн хуулийн заалттай.
Монгол улсын прокурор өөрөө төрийг төлөөлж төрд учирсан хохирлыг нөхөн төлүүлэх субъект. Өмнө нь энэ байдлаар төрд учирсан хохирлыг нөхөн төлүүлж байсан тохиолдол гарч байгаагүй.
Иймээс прокурорын тухай хуулийн 20.1, 20.2, 20.3-т заасны дагуу Монгол улсын Хөгжлийн банкаас зээл аваад нөхөн төлөгдөөгүй байгаа асуудлыг бид Монгол төрд гарч байгаа хохирол хэмээн үзэж байгаа.
Иймээс Хөгжлийн банкнаас зээл аваад буцааж төлөөгүй, хугацаат график алдагдсан гэх үндэслэлээр Монголын төрд хамгийн том хохирол учруулж байгаа зургаан компани болох “Эрэл” ХХК, “Хөтөл” ХК, “ТОСК” ТӨХК, “Монгол драй милк”, ”QSC”, “Капитал банк”-ийг прокурорын байгууллагад өгч байна.
Мөн “Жаст групп” ХК ӨАБНУ-ын Стандарт банкнаас 2009-2012 онд 160.1 сая ам.долларын зээл авсан. Үүнд “Эрдэнэт үйлдвэр” баталгаа гаргасан эсэх асуудлыг АТГ-т шалгаж байгаа. Лондонгийн Арбитрын шүүхээс Эрдэнэт үйлдвэрийг баталгаа гаргасан гэж үзсэн. Үүнтэй холбогдуулан тус үйлдвэрийн дансыг царцаах гэж байгаатай холбогдуулан үйлдвэрийн эрсдлийн сангаас тус мөнгийг гаргаж төлсөн. Үүгээрээ төр 40 сая ам.долларын хохирол үзсэн.
Тиймээс энэхүү асуудлыг прокурорын тухай хуулийн дагуу төрийн эрх ашиг зөрчигдсөн хэмээн үзэж өнөөдөр прокурорын байгууллагад хандаж байгаа юм” хэмээн мэдэгдлээ.
Хамгийн их хохирол учруулсан зургаан компани:
