1. Өглөөний цай заавал ууж хэвших.
Үүнд эслэг агуулсан хүнсийг заавал хэрэглэх. Жишээ нь цайны жижиг аяганы талаар арвайн гурил зуураад идчихэд энэ маш сайнаар нөлөөлнө.
2. Шингэн зүйл бага багаар ойрхон хэрэглэх.
Цайны caffeine-ий агууламж кофеноос бага байдаг тул цай ууж болно, хамгийн зөв нь ус уух. Элдэв янзын ид шидтэй цайртай ч юм уу, рашаан ч юм уу байх албагүй ээ. Олдож байгаа л усаа уу.
3. Үдийн хоолонд аль болох олон түүхий эд ашигласан хоол ид. Дандаа л цуйван идээд байж болохгүй.
Хүнсний бүтээгдэхүүн болгон өөр өөрийн онцлог найрлагатай байдаг тул та идэж байгаа хоолоороо л шим тэжээл, амин дэм, макро, микро элементүүдийнхээ хэрэгцээг хангаж байдаг тул идэж байгаа бүтээгдэхүүнийхээ нэр төрлийг олшруулах шаардлагатай.
Луувангаас тийм тийм юм авна, өөх идвэл холестеринтай, төмс идвэл таргална гэж хүнсний бүтээгдэхүүн болгоныг тооцох хэрэггүй, зүгээр л олон юм бодолгүйгээр сайхан хоол авч амтархан ид.
4. Гэдэс сууж байна, таргалж байна аа гэдэг нь таны идэж байгаа илчлэгийн хэмжээ, зарцуулж байгаа илчлэгийн хэмжээнээс их байгаа тул, үлдсэн нь биед нөөцлөгдөөд байна гэсэн үг. Ямар өвлийг өнөтэй давахын тулд тарга хүч авах шаардлагатай мал амьтан биш учир ийм нөөц огтхон ч шаардлагагүй.
Тиймээс өдрийн иддэг хоолныхоо нэр төрлийг олшруулаад, харин урд иддэг байсан хэмжээгээ багасга. Аль болох л багасга.
Эхэндээ хэцүү. Өмнө иддэг байсан хэмжээний 2/3-г ид, дасаад ирэхээрээ талыг нь хас.
Угаасаа таргалалт явагдаад байгаа тул шимт бодис ихдэж байна гэсэн үг учраас та ингэж бага идлээ гээд өлсөөд үхчихгүй. Хэрэв үнэхээр хэцүү, тэвчихгүй байвал манийгаа блок хийж болох л юм.
5. Усаа уусаар л бай, бага багаар
6. Орой яаж ийгээд зохицуулаад 6 цагаас л өмнө хоолло. Өдөр бол аль болох олон нэр төрлийн хүнсний бүтээгдэхүүн агуулсан хоол хэрэглэх шаардлагатай бол оройн хоолонд аль болох хөнгөн, амархан шингэхүйц хооллох шаардлагатай. Цуйванг хориглоно!!!
Бүүр боломжгүй бол бага хэмжээгээр!
7. Оройн хоолон дээр ашигтай бактери агуулсан тараг, хоормог гэх мэт хүнс давхар хэрэглэх их зүгээр байдаг.
8. Усаа уусаар л бай, бага багаар. 20:00 цагаас хойш бол шингэн зүйл, хоол ч аль алийг нь хэрэглээд дэмий.
9. Өглөө босоод, орой унтахын өмнө тогтсон цагт заавал хүндээр бие засч хэвших. Энэ маш чухал шүү. Эхэндээ чадахгүй байсан ч ядаж л 00-ийн бөглөөс болоод хэдэн минут зарцуулаад суугаад бай. Аяндаа дээрх зарчмаар хооллоод ирэхээр ингэж хүндэрч чаддаг болно .
10. Алхах, дугуй унах, гүйх, дасгал хөдөлгөөн хийх зэргээр нэгэнт хуримтлагдчихсан байгаа нөөцөө шатаахыг хичээ.
Бага иддэг хэвшилтэй болсон ч биеийн тамирыг орхиж болохгүй.
Оройд сайн унтаж амар. За тэгээд маргааш өглөөг хүндрэхээр эхлүүлнэ шүү дээ ккк.
Яг ингэж явна гэдэг хэцүү. Гэхдээ ингээд ирвэл биеэс хорт бодисууд маш хурдан зайлуулагддаг болж, биед нөөц үүсэхээ больж, цаанаасаа л эрч хүч орж эхэлдэг. Хааяа тусгай хэрэгцээгээрээ найз нөхдийн уулзалт дээр ганц нэг юм уухад шартах мэдрэмжийг мэдрэхээ больсон байдаг. Уу гэсэн үг биш шүү. Энэ нь бодисын солилцооны эрчим хэр хурдтай явж байна гэдгийг харуулж байгаа хэрэг.
Яахав турахад, жингээ хасахад удаан хугацаа зарцуулах юм шиг боловч, хамгийн аюулгүй, хамгийн үр дүнтэй арга нь ерөөсөө л энэ юм.
Хүмүүсийг ажиглаад байхад хаанаас ч юм зохисгүй хооллолтоо өөрчлөхгүйгээр “тураадаг ид шид”-тэй бүтээгдэхүүн ухамсартаа хайгаад л байдаг, энэ хайж байгааг нь сэргэлэн гарууд мэдчихээд “тураах ид шид”-тэй гэж нэрлэсэн бүтээгдэхүүнээр эрэлтийг хангасаар байдаг.
Бие организм өөрөө ид шид, түүнийг гаднаас хайх хэрэггүй шүү найзууд аа .
Хүнсний Инженер О.Гал-Очир
